TUJUAN HIRUP URANG

TUJUAN HIRUP URANG

Anaking, jig gera indit, bral gera miang!

Gera sungsi harti, harta hirup nu utama

Cruk-cruk nepi ka galeuh-galeuhna

Imeut nepi ka bubuk leutikna

Supaya hidep nepi kana tujuan

Omat, anaking! Kadé, salah ngudag tujuan!

Tujuan téh lain harta, tahta, jeung wanita.

Ieu Bapa arék pesen

Bandungan sing saregep!

Asupkeun kana sanubari nu pangjerona!

Buktikeun ieu pesen Bapa!

Nu dumasar kana Quran reujeung Sunnah.

GUSTI ALLAH PANGÉRAN URANG;

RIDHA ALLAH TUJUAN HIRUP URANG;

‘IBADAH KA ALLAH TUGAS HIRUP URANG;

Al-QURAN JEUNG SUNNAH PANDUAN URANG;

RASULULLAH MUHAMMAD TULADAN URANG;

DIINUL ISLAM WADAH HIRUP URANG;

Bral, gera medal Anaking!

Leupas tina asuhan Bapa!

Kaluar tina ayunan Ema!

Geusan ngambah dunya nu leuwih lega!

Tambah deui luang!

Sungsi deui pangarti!

Wujudkeun impian, kahayang jeung cita-cita!